Бур рыт, "Интернеттӧгыд овны" вермытӧмъяс!!! Ме виччыси 12 лун, 12 час, да 12 минут, сы бӧрын пукси гижны водзӧ. Тайӧ лунъяссӧ эз удайтчи матыстчывны киясӧн ыджыд шыпасъяса ноутбук кнопкаяс дінӧ. Но кӧть шойччӧдышті киясӧс. Талун лыдди мукӧдлысь блогын гижӧдъяссӧ, тӧдчӧ, коді-кыдз гижӧ да кутшӧм кыв пыртӧ гижӧдас. Воис сьӧлӧм вылӧ Баженовалӧн бӧръя гижӧдыс. Бур.
Но талун меным ковмис нӧшта лун быд пукавны да дасьтыны-эштӧдны яран дінысь Ӧльӧш Рассыхаевӧн чукӧртӧм фольклорнӧй материал книгаӧ лӧсьӧдӧм вылын. Артмис зэв солиднӧй небӧг, 500 сайӧ лист бок. Гижӧдыс мунӧ кык кыв вылын, рочӧн да коми изьва кывйӧн. Эм зэв интереснӧй материал. Удайтчас кӧ кодлыкӧ лыддьыны, оз кут жалитны, сы вӧсна мый книгасӧ кутасны лэдзны Нарьян-Марын, татчӧс войтырлы сюрас этша небӧг.
Меным колӧ на тшӧтш во помӧдзыс лэдзны сизим небӧг, но сы йылысь гижа книга петӧм бӧрын... Бур вой ставныдлы, шойччӧдӧй синтӧ...
Бара раскольничайтам? Кутшӧм изьва кыв??? Эм коми кыв и сылӧн диалектъяс!!!
ОтветитьУдалить